გარემოს ეროვნული სააგენტოს ინფორმაციით, დღეს საქართველოს უმეტეს რეგიონში თოვლია მოსალოდნელი. დედაქალაქში, მაქსიმალური ტემპერატურა +1 გრადუსამდე მიაღწევს. მომდევნო დღეებში სინოპტიკოსები დასავლეთ საქართველოში ამინდის მკვეთრ გაუარესებას და ქარის გაძლიერებას ვარაუდობენ.
„იქროლებს დასავლეთის ქარი 10-15 მეტრი წამში სიჩქარით. დასავლეთ საქართველოს დაბლობში დღის მაქსიმალური ტემპერატურა იქნება 1-6 გრადუსი სითბო, აღმოსავლეთ საქართველოში – -4 +1 გრადუსი. კვლავ დაბალი რჩება ტემპერატურა თბილისში.
ხვალიდან დასავლეთ საქართველოში კვლავ შემოსვლას იწყებს ცივი და ნოტიო მასის ახალი ნაკადი, რომელიც ამინდის პირობებს კვლავ გააუარესებს. დასავლეთ საქართველოს უმეტეს რაიონში ისევ თოვლს ველოდებით. გაძლიერდება დასავლეთის ქარი, განსაკუთრებით, შავი ზღვის სანაპირო რაიონებში, სადაც ქარის სიჩქარემ შესაძლოა, დროგამოშვებით, წამში 30 მეტრსაც მიაღწიოს“, – განაცხადა სინოპტიკოსმა, თამარ გულედანმა.