უხვმა ნალექმა თოვლის სახით, პრობლემები შექმნა წალენჯიხაშიც. თოვლის საფარმა დაახლოებით 40 სმ-ს გადააჭარბა. დღის განმავლობაში დაზიანდა რამდენიმე ავტომობილი. ამოქმედებულია ცხელი ხაზი, საგანგებო რეჟიმში მუშაობს სპეც-ტექნიკა და ცოცხალი ძალა.
მერიის დაქვემდებარებაში არსებული ტექნიკის გარდა, საჭირო გახდა სპეც-ტექნიკის კერძო პირებისგან დაქირავება. ამ დროისთვის ნარჩუნდება ავტომობილებით გადაადგილება როგორც ცენტრალურ, ასევე შიდა საუბნო გზებზე. მიუხედავად ამისა, ადგილობრივი ხელისუფლების წარმომადგენლები მოქალაქეებს მოუწოდებენ, რომ გადაუდებელი აუცილებლობის შემთხვევების გარდა, თავი შეიკავონ ავტომობილით გადაადგილებისგან. აბონენტთა უმეტეს ნაწილს უპრობლემოდ მიეწოდება დენი, გაზი და წყალი.
კომენტარები