ჭიათურაში, მე-12 დღეა, მაღაროელების აქცია მიმდინარეობს.
აქციის მონაწილეები ითხოვენ კუთვნილ ხელფასებს, კომპანია „ჯორჯიან მანგანეზის“ ჭიათურიდან გასვლას, სახელმწიფოს მიერ საწარმოს მართვის გადაბარებასა და სპეციალური ფონდის შექმნას, სადაც კომპანიის მოგების 5% ჩაირიცხება და ჭიათურის განვითარებას მოხმარდება.
აქციის მონაწილეების თქმით, მათ ალტერნატიული სამუშაო არ აქვთ. მათივე განცხადებით, აქვთ ბანკის ვალები და ყოველგვარი შემოსავლის გარეშე არიან დარჩენილი.
მაღაროელები აცხადებენ, რომ მოთხოვნების დაკმაყოფილებამდე აქციების შეწყვეტას არ აპირებენ.
შეგახსენებთ, „ჭიათურა მენეჯმენტ კომპანიმ“ 7 მარტს გაავრცელა განცხადება, რომ „ჯორჯიან მანგანეზთან“ შეთანხმებით, ჭიათურაში მიწისქვეშა სამუშაოები აღარ განახლდება, რადგან, დასკვნის მიხედვით, ფინანსურად წამგებიანია.
კომენტარები