მაღაროელებმა ჭიათურის ადგილობრივი თვითმმართველობის შენობის პიკეტირებისგან თავი შეიკავეს. მათი თქმით, აქვთ არაოფიციალური ინფორმაცია, რომ ხელისუფლება აპირებს მათი მოთხოვნების დაკმაყოფილებას, თუმცა აქცია გრძელდება.
მაღაროელები კვლავ კუთვნილ ხელფასს, კომპანია „ჯორჯიან მანგანეზის“ საქმიანობასთან დაკავშირებით გამოძიების ჩატარებას, ამის შემდეგ მის ჭიათურიდან გასვლასა და სახელმწიფოს მიერ წიაღისეულის მოპოვების პროცესის გადაბარებას მოითხოვენ.
შეგახსენებთ, რომ კომპანია „ჯორჯიან მანგანეზმა“ წიაღისეულის მოპოვების მიწისქვეშა სამუშაოების შეწყვიტის შესახებ პირველი მარტიდან განაცხადა, რის მიზეზადაც სამუშაოების არამომგებიანობა დაასახელა. ამ გადაწყვეტილებას კი წინ უძღოდა გასული წლის პირველი ნოემბრიდან სამუშაოების ექვსი თვით შეწყვეტა, როცა დასაქმებულებმა ხელფასის 60%-ის დარიცხვის დაპირება მოისმინეს. მაღაროელების განცხადებით, მათ ხელფასის 60% კომპანია „ჯორჯიან მანგანეზმა“ მხოლოდ სამი თვის განმავლობაში გადაუხადა.