ამერიკის შეერთებული შტატების გენერალურმა პროკურორმა, პემ ბონდიმ „ტესლას“ ავტომობილებზე თავდასხმები შიდა ტერორიზმად შეაფასა.
როგორც პემ ბონდიმ აღნიშნა, გამოძიების ფარგლებში, უკვე რამდენიმე ადამიანი დააკავეს. გენერალური პროკურორის განმარტებით, იძიებენ იმასაც, თუ ვინ უწევს ორგანიზებას და აფინანსებს ილონ მასკის კუთვნილი კომპანიის პროდუქტზე თავდასხმებს.
ცნობისთვის, ბოლო რამდენიმე კვირის განმავლობაში, ამერიკის შეერთებული შტატების სხვადასხვა ქალაქში პრეზიდენტ დონალდ ტრამპის ადმინისტრაციის პოლიტიკის რადიკალი მოწინააღმდეგეები „ტესლას“ ავტომობილებს, სადილერო მაღაზიებს და ელექტრომობილების დამტენ სადგურებს „მოლოტოვის კოქტეილებითა“ და ცეცხლსასროლი იარაღით ესხმიან თავს.
კომენტარები