დანიის საგარეო უწყება ტრანსგენდერ მოქალაქეებს ურჩევს, აშშ-ის საელჩოს დაუკავშირდნენ ამერიკაში გამგზავრებამდე, იმ შეშფოთების ფონზე, რომ ტრამპის გენდერულმა პოლიტიკამ შეიძლება პრობლემები შეუქმნას მათ სამგზავრო დოკუმენტებს. ინფორმაციას ამის შესახებ სააგენტო Reuters-ი ავრცელებს.
დანიის საგარეო საქმეთა სამინისტროში აღნიშნეს, რომ აშშ-ის ელექტრონულ სისტემაში მხოლოდ ორი ქსესია ასარჩევად – მამრობითი ან მდედრობითი – და ამან შესაძლოა გართულებები გამოიწვიოს.
„თუ თქვენს პასპორტს აქვს სქესის აღნიშვნა X ან თქვენ შეცვალეთ სქესი, რეკომენდებულია დაუკავშირდეთ აშშ-ის საელჩოს გამგზავრებამდე, რათა მიიღოთ მითითებები, თუ როგორ მოიქცეთ“, – განაცხადეს დანიის საგარეო უწყებაში.
კომენტარები