ევროპის გადაიარაღების გეგმას (ReArm Europe), კრიტიკის შემდეგ სახელი შეუცვალეს და ახლა მას Readiness 2030-ს (მზადყოფნა-2030) უწოდებენ. ინფორმაციას DW ავრცელებს.
გეგმის პირვანდელ სახელწოდებას ესპანეთი და იტალია აკრიტიკებდნენ.
„მე არ მომწონს სიტყვა „შეიარაღება“. ევროკავშირი პოლიტიკური პროექტია და არა სამხედრო“, – განაცხადა ესპანეთის პრემიერ-მინისტრმა პედრო სანჩესმა.
იტალიის პრემიერ-მინისტრმა, ჯორჯია მელონიმ კი აღნიშნა, რომ სახელწოდებას – ReArm Europe ბევრი ადამიანი შეცდომაში შეჰყავს.
ცნობისთვის, მარტის დასაწყისში ევროკომისიის პრეზიდენტმა, ურსულა ფონ დერ ლაიენმა, ევროკავშირის გადაიარაღების გეგმა წარადგინა, რომელიც თავდაცვის ინდუსტრიის გაძლიერებისა და სამხედრო შესაძლებლობების გაზრდისთვის 800 მილიარდი ევროს მობილიზებას ისახავს მიზნად.
კომენტარები