დღეს საქართველოში უნალექო ამინდი შენარჩუნდება, ხოლო 26-27 მარტს ცალკეულ რაიონში შესაძლოა მცირე ნალექი აღინიშნოს.
გარემოს ეროვნული სააგენტოს ცნობით, თბილისში დღე უნალექოდ ჩაივლის. ჰაერის ტემპერატურა დღისით +17, +19 გრადუსი იქნება. სანაპირო რაიონებშიც უნალექო ამინდია ნავარაუდევი, ხოლო 26-27 მარტს ზოგან მოსალოდნელია წვიმა.
„საქართველოს მასშტაბით კვლავ ნარჩუნდება თბილი და უმეტესად, უნალექო ამინდი. ტემპერატურა დასავლეთ საქართველოს დაბლობში 17-22 გრადუსი იქნება, აღმოსავლეთ საქართველოს ბარში 12- 17 გრადუსს მიაღწევს. თბილისშიც უნალექო ამინდს ველოდებით, ტემპერატურა აქ 15 გრადუსამდე მოიმატებს. ხვალ და ზეგ დასავლეთ საქართველოს ზოგიერთ რაიონში შესაძლებელია მცირე წვიმა. ტემპერატურა დიდად არ დაიკლებს. აღმოსავლეთ საქართველოში კი კვლავ უნალექო ამინდი შენარჩუნდება და ასე გაგრძელდება კვირის ბოლომდე. ტემპერატურა თანდათან მატულობს. თბილისშიც უნალექო ამინდები გაგრძელდება“, – განუცხადა „ქრონიკას“ სინოპტიკოსმა თამარ გულედანმა.