რუსეთის არმიამ უკრაინა „ისკანდერის“ ტიპის ბალისტიკური რაკეტითა და „შაჰედის“ ტიპის 139 დრონით დაბომბა. ინფორმაციას უკრაინის სამხედრო-საჰაერო ძალები ავრცელებს.
უკრაინული მხარის მტკიცებით, რაკეტა ყირიმიდან იყო გაშვებული, ხოლო დრონები კურსკისა და როსტოვის ოლქებიდან, აგრეთვე კრასნოდარის მხარიდან.
უკრაინის საჰაერო ძალებმა 78 უპილოტო საფრენი აპარატის ჩამოგდება შეძლო, ხოლო 34 დრონმა კურსი დაკარგა და სხვა ადგილებში დაეცა.
რუსული თავდასხმის შედეგად დაზარალდა უკრაინის ხარკოვის, სუმის, პოლტავის, კიროვოგრადის, კიევის, ჩერკასისა და ოდესის ოლქები.
კომენტარები