ოდესის ოლქის ყოფილი გუბერნატორი და ახლა უკვე უკრაინული ტელემაუწყებლობა “ZIK”-ის თოქ-შოუ „Наша Україна“-ს წამყვანი მიხეილ სააკაშვილი საქართველოში თავისი პრეზიდენტობის პერიოდის შესახებ საუბრობს.
“მინდა ორი რამ ვაღიარო, მეც მეჭირა ის თანამდებობა, რაც პრეზიდენტ პოროშენკოს უჭირავს, მინდა ვაღიარო, რომ ქუჩაში დროშებით, ვარდებით, პლაკატებით დავრბოდი, საქართველოს მაშინდელი კორუმპირებული ხელისუფლების დესტაბილიზაციით ვიყავი დაკავებული და მეორე ჩემი აღიარება ისაა, რომ ცხოვრებაში მართლაც ძაღლის სახლიც კი არ ამიშენებია.
ერთმა არაბმა შეიხმა დაბადების დღეზე 35 ათასი პალმა მაჩუქა, რომლებიც ყველა ბათუმშია დარგული და აქედან არცერთი მიდგას, რადგან დასადგმელი ადგილი არ მაქვს.
საქართველოში ათი ათასობით ახალი ბიზნესი შეიქმნა, მაგრამ არც მე და არც ჩემს ნათესავებს ქვეყანაში არცერთი ბიზნესი გვაქვს. თქვენ შეგიძლიათ ნახოთ ჩემი სახლი, რომელიც 75 კვ/მ-ია, მაგრამ ესეც აღარაა ჩემი, რადგან იგი საქართველოს ხელისუფლებამ ჩამომართვა”, – განაცხადა მიხეილ სააკაშვილმა.
წყარო (Hold.ge)