ჭიათურაში მაღაროელების საპროტესტო აქცია გრძელდება. მაღაროელთა ნაწილს დღეს სოლიდარობის ნიშნად მოქალაქეები სხვადასხვა ქალაქიდან და მუნიციპალიტეტიდან შეუერთდნენ.
როგორც აქციის მონაწილეები აცხადებენ, ისინი კვლავ ღირსეულ სამუშაო პირობებს, ხელისუფლების მაღალი თანამდებობის პირებთან შეხვედრას, კუთვნილ ხელფასებს და ოთხი დაკავებული მაღაროელის გათავისუფლებას ითხოვენ.
მათი თქმით, ჭიათურა არის არა კარიერი, არამედ ქალაქი, რომელსაც ხელისუფლებამ ყურადღება უნდა მიაქციოს.
პროტესტის 71-ე დღეს აქციის ხუთი მონაწილე შიმშილობს. აქცია ჭიათურის კულტურის სახლთან მიმდინარეობს.
საპროტესტო აქციის მონაწილეები დაკავებული მაღაროელების გათავისუფლების მოთხოვნით ხელმოწერებს აგროვებენ.
კომენტარები