იმერეთში სახელმწიფო რწმუნებული ლევან ზალკალიანი ჩინეთის სახალხო რესპუბლიკის დელეგაციას შეხვდა. შეხვედრაზე დელეგაციის წევრებმა რეგიონის საინვესტიციო გარემოს შესახებ მოისმინეს ინფორმაცია, ასევე საუბარი შეეხო ერთობლივი პროექტების განხორციელებას.
სახელმწიფო რწმუნებულმა შეხვედრაზე ხაზი გაუსვა იმერეთის რეგიონსა და გუიჯოუს პროვინციას შორის გაფორმებულ მემორანდუმს, რომლის ფარგლებშიც მხარეები სხვადასხვა სფეროში თანამშრომლობენ. ასევე, აქტიურად მიმდინარეობს მოლაპარაკება საგანმანათლებლო მიმართულებით ერთობლივი პროგრამების განხორციელებაზე.
ჩინეთის უცხო ქვეყნებთან მეგობრობის სახალხო ასოციაციის წევრებმა სამომავლო ურთიერთთანამშრომლობის გაღრმავებასა და განმტკიცების აუცილებლობაზე იმსჯელეს. ხაზი გაუსვეს ტურიზმის, ეკონომიკისა და საგანმანათლებლო მიმართულებით ერთობლივი პროგრამების შემუშავებას.
დღესვე, მხარეებმა სამომავლო ურთიერთთანამშრომლობის გეგმები დასახეს და პრიორიტეტები განსაზღვრეს.
შეხვედრას სახელმწიფო რწმუნებულის მოადგილეები ესწრებოდნენ.
