ოჯახის სიწმინდის დღესთან დაკავშირებით ქუთაისში, დავით აღმაშენებლის სახელობის ტაძართან მრევლი დილიდან იკრიბება. მსვლელობით გაივლიან გზას ბაგრატის ტაძრამდე.
ქალაქის ცენტრალური მოედანი უკვე გადაკეტილი, საიდანაც ოჯახის სიწმინდის დღესთან დაკავშირებით 14:00 საათზე მსვლელობა დაიწყება. სამშვიდობო პარაკლისს ქუთათელ-გაენათელი მიტროპოლიტი მეუფე იოანე აღავლენს.
სასულიერო პირები მრევლთან ერთად ხატებითა და გალობით ქუთაისის ქუჩებს გაივლიან. ბოლო ლოკაცია ბაგრატის ტაძარი იქნება, სადაც ოჯახის სიწმინდის დღის აღნიშვნა დასრულდება.
დღეს საქართველოში ოჯახის სიწმინდისა და მშობლების პატივისცემის დღე აღინიშნება.
კომენტარები