ირაკლი კობახიძემ მცხეთაში საკონსტიტუციო ცვლილებების საყოველთაო-სახალხო განხილვისას პრეზიდენტი კონკრეტულ ოპოზიციურ პარტიებთან ალიანსში დაადანაშაულა.
„რაც შეეხება დღევანდელ პრეზიდენტს, პირდაპირი არჩევნების მიუხედავად, ის არ არის ზეპარტიული. პირდაპირი არჩევნები არ არის იმის გარანტი, რომ პრეზიდენტი იყოს ზეპარტიული, ეს აჩვენა დღევანდელმა რეალობამ. ის პარტიის წევრი არ არის, მაგრამ ვიცით რა ალიანსშია მოქმედი პრეზიდენტი და ვისთან ერთად გეგმავს, მათ შორის გარკვეულ დესტრუქციულ ქმედებებს. ეს არის ოპოზიციური სპექტრი – დაწყებული „ნაციონალური მოძრაობით”, დამთავრებული „პატრიოტთა ალიანსით”. ამ პარტიებთან ყოველდღიურ ალიანსშია”, – განაცხადა ირაკლი კობახიძემ.
კომენტარები