არ არსებობს მსოფლიოში ქვეყანა, სადაც არ მოქმედებს სახელმწიფო მეთაურის ინსტიტუტი, თუნდაც მას ჰქონდეს სუფთა ცერემონიული, სიმბოლური კომპეტენციები მინიჭებული, – ამის შესახებ პარლამენტის თავმჯდომარემ ირაკლი კობახიძემ განაცხადა.
პარლამენტის თავმჯდომარემ ირაკლი კობახიძემ რუსთავში, კონსტიტუციის პროექტის საერთო-სახალხო განხილვაზე დასმულ კითხვას იმის შესახებ, ხომ არ სჯობს პრეზიდენტის ინსტიტუტი საერთოდ გაუქმდეს, უპასუხა, რომ ეს არის არასწორად დასმული კითხვა.
„სახელმწიფოს მეთაურის – პრეზიდენტის ინსტიტუტი სჭირდება ნებისმიერი ტიპის ქვეყანას. არ არსებობს მსოფლიოში ქვეყანა, სადაც არ მოქმედებს სახელმწიფო მეთაურის ინსტიტუტი, თუნდაც მას ჰქონდეს სუფთა ცერემონიული, სიმბოლური კომპეტენციები მინიჭებული. არა მარტო სიმბოლური, არამედ ძალიან დიდი, პრაქტიკული კომპეტენციები აქვს პრეზიდენტს განსაკუთრებით საპარლამენტო მმართველობაში“, – განაცხადა ირაკლი კობახიძემ.