ძალიან მნიშვნელოვანია ის, რომ ერთი მხრივ ხდება ფაქტობრივად, რეტროსპექტივა ყველა იმ ქმედებისა, რაც სააკაშვილის რეჟიმმა საკუთარი ერის და ქვეყნის წინააღმდეგ ჩაიდინა და ასევე, 2012 წლიდან დღემდე განხორციელებული ქმედებები მოხვდა დროებით საგამოძიებო კომისიის დღის წესრიგში, – განაცხადა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.
მისი თქმით, ასევე მნიშვნელოვანია, ახალგაზრდები მიხვდნენ, რომ ეს ტირანული რეჟიმი ხელისუფლებაში არ უნდა დაბრუნდეს.
„მნიშვნელოვანია, რომ ახალგაზრდებმა კარგად დაუგდონ ყური იმ მოცემულობას, რაც ხდება საქართველოს პარლამენტში, დროებითი საგამოძიებო კომისიის მუშაობის სპექტრში და კიდევ ერთხელ მიხვდნენ, რომ მსგავსი სადისტური და ტირანული რეჟიმები საქართველოში ხელმეორედ ხელისუფლებაში აღარ უნდა დაბრუნდნენ“, – განაცხადა მათიკაშვილმა.