“თქვენი კითხვიდან მრჩება შთაბეჭდილება, რომ თქვენ მათი რეპლიკები არ მოგისმენიათ”

პარლამენტის თავმჯდომარის მხრიდან იყო ადეკვატური რეაქცია, როდესაც მან მოუწოდა სტუდენტებს, იარონ ილიას გზით, – ამის შესახებ ფრაქცია “ქართული ოცნების” თავმჯდომარე მამუკა მდინარაძემ ჟურნალისტებს განუცხადა,

ჟურნალისტების  შეკითხვას – პარლამენტის თავმჯდომარის რეპლიკები სტუდენტების მიმართ გუშინდელ ჩაშლილ შეხვედრაზე იყო თუ არა შეურაცხყოფა”,  მამუკა მდინარაძემ უპასუხა:

“თქვენი კითხვიდან მრჩება შთაბეჭდილება, რომ თქვენ მათი რეპლიკები არ მოგისმენიათ, თუმცა ეს არ არის იმის განმპირობებელი, რომ მაინცდამაინც ყველა შემთხვევაში იგივეთი უპასუხოს ვინმემ, თუმცა ყველანი ადამიანები ვართ, მათ შორის პარლამენტის თავმჯდომარე. მისი მხრიდან იყო ადეკვატური რეაქცია, როდესაც მან მოუწოდა სტუდენტებს, იარონ ილიას გზით. მე ვუერთდები ამ მოწოდებას გამომდინარე იქიდან, რომ ცოდნა და რეალური მონაწილეობა პოზიტიურ პროცესებში უზრუნველყოფს მომავალს”, – განაცხადა მდინარაძემ.