ეკა მიშველაძის განცხადებით ანა მარგველაშვილი მეგობრის დასაცავად საკუთარი შეხედულებისამებრ მოქმედებს. ამის შესახებ მიშველაძემ ჟურნალისტების კითხვის პასუხად განუცხადა.
„ანა მარგველაშვილი არის ზრდასრული ადამიანი და ის თავისი მეგობრის დასაცავად, თავისი შეხედულებებისამებრ მოქმედებს. დეტალებზე ვერ გავაკეთებთ განცხადებას“, – განაცხადა მიშველაძემ.
პრეზიდენტის შვილი ანა მარგველაშვილი აცხადებს, რომ მის მეგობარს თორნიკე კაჭარავას ნარკოტიკი ჩაუდეს.
შინაგან საქმეთა სამინისტროს ცნობით, კაჭარავა სისხლის სამართლის კოდექსის 260-ე მუხლის პირველი ნაწილით გათვალისწინებული დანაშაულისთვის დააკავეს, რაც ნარკოტიკული საშუალების შეძენა-შენახვას გულისხმობს.
კომენტარები