ინგა გრიგოლიას გადაცემაში, საქართველოს პარლამენტის წევრმა ირმა ინაშვილმა, გადაცემის წინა სტუმარს გიგი უგულავას, ასევე მისი პარტიის ყოფილ და ახლანდელ წევრებს მიმართა:
“მემგონი ეს ხალხი თვითონ იყო ხელისუფლებაში. რომელი ეკონომიკა ააყვავეს ან რა ადამიანის უფლებებს იცავდნენ ან რა ქვეყანა ააშენეს? ქვეყნის მიწების 22% ჩააბარეს უცხო ქვეყანას. მოსპეს და გაანადგურეს ადამიანების ცხოვრება. ეტყობა ჩვენი ხვედრია ამ ადამიანების ატანა რომ გვიწევს ტელეეთერში და პარლამენტში. რა მაგალითს ვუტოვებთ ჩვენს შვილებს?! შენ იქნები მწამებელი-სადისტი, ტერორს დაამყარებ ქვეყანაში, მერე გაირეცხავ სახეს, კიდევ გამოხვალ უსინდისოდ და საუბარს დაიწყებ და ჩვენს დარწმუნებას იმაში, რომ ეკონომიკა უნდა აყვავდეს?! თვალცრემლიანი დავით ბაქრაძე რომ დადის გაჭირვებულ ოჯახებში და ჯიბეში ცრემლებისგან დასველებული ცხვირსახოცი რომ უდევს, ეხლა შეგეცოდათ ეს ადამიანები? თქვენ პერიოდში აყვავებული იყო საქართვეკი და დალხენილი იყო ხალხი? აი, ეს არის ზუსტად დემაგოგია და პოპულიზმი. ყველაზე ვამბობ, უგულავებზე, სააკაშვილებზე, მთელ ამ გუნდს ვგულისხმობ. ორად კი გაიყვნენ, მაგრამ სინამდვილეში ეს ერთი გუნდია!” – განაცხადა ინაშვილმა “რეაქცია”-ში