ბაქოში ოფიციალური ვიზიტის ფარგლებში, საქართველოს ეკონომიკისა და მდგრადი განვითარების მინისტრი აზერბაიჯანის რესპუბლიკის ენერგეტიკის მინისტრს შეხვდა. მარიამ ქვრივიშვილმა და ფარვიზ შაჰბაზოვმაორი ქვეყნის ენერგეტიკული პოლიტიკის პრიორიტეტული მიმართულებები განიხილეს.
როგორც შეხვედრაზე აღინიშნა, საქართველო და აზერბაიჯანი ენერგეტიკის მიმართულებით სტრატეგიული პარტნიორები არიან. მარიამ ქვრივიშვილმა აზერბაიჯანელ კოლეგასთან ისაუბრა საქართველოს ენერგეტიკის სექტორში მიმდინარე და დაგეგმილ რეფორმებზე, ასევე მსხვილ ინფრასტრუქტურულ პროექტებზე, რომლებიც ამ დარგში ხორციელდება. მინისტრმა განსაკუთრებული ყურადღება დაუთმო სამხრეთ კავკასიის ელექტროენერგეტიკულისისტემის ევროპის ქსელთან დამაკავშირებელი ენერგეტიკული კაბელის ფლაგმან პროექტებს, რომელიც რამდენიმე ქვეყნის, მათ შორის, საქართველოსა და აზერბაიჯანის მონაწილეობით ხორციელდება.
ორი ქვეყნის მინისტრებმა ენერგეტიკის სექტორში ინვესტიციების განხორციელების ხელშეწყობის პოლიტიკაზეც ისაუბრეს. როგორც მარიამ ქვრივიშვილმა აღნიშნა, საქართველოს აქვს ჰიდრორესურსების დიდი პოტენციალი, რაც მსხვილი ენერგეტიკული პროექტების გახორციელების საშუალებას იძლევა და ეს განსაკუთრებით მნიშვნელოვანია ქვეყნის ენერგოდამოკიდებლობის, მისი ენერგეტიკული უსაფრთხოების უზრუნველყოფისთვის. მარიამ ქვრივიშვილის შეფასებით, საქართველოს ენერგეტიკული შესაძლებლობები არამხოლოდ ჰიდროპროექტების განხორციელების, არამედ ქარის, მზის და სხვა არატრადიციული განახლებადი ენერგიებისსფეროში თანამშრომლობის გაფართოების საშუალებას იძლევა, შესაბამისად, დარგში ინვესტიციების შემდგომი მოზიდვისა და ინვესტორებისთვის მიმზიდველი გარემოს შექმნის მიზნით, საქართველოს მთავრობა არაერთ მნიშვნელოვან პროგრამას ახორციელებს, რომლებიც კონკურენციასა და საბაზრო პრინციპებს ეფუძნება. აღნიშნული დამატებით შესაძლებლობას აძლევს ინვესტორებს საქართველოში განახორციელონ პროექტები განახლებადი ენერგიის მიმართულებით.
მარიამ ქვრივიშვილმა და ფარვიზ შაჰბაზოვმაშეხვედრაზე ხაზი გაუსვეს თანამშრომლობის მნიშვნელობას სამხრეთის გაზის დერეფნის პროექტის განხორციელებასთანდაკავშირებით. მინისტრებმა ასევე ისაუბრეს ელექტროენერგეტიკული ინფრასტრუქტურის განვითარებისა და გაფართოების საკითხებზე, რომლებსაც საქართველოსა და აზერბაიჯანს შორის გაფორმებული სტრატეგიული თანამშრომლობის შესახებ ხელშეკრულება ითვალისწინებს.
ქართული მხრიდან შეხვედრას ესწრებოდნენ მინისტრის მოადგილეები – გენადი არველაძე და გურამ გურამიშვილი, ასევე საქართველოს ელჩი აზერბაიჯანის რესპუბლიკაში ზურაბ პატარაძე.
