ევროკავშირში საქართველოს ელჩი ნატალია საბანაძე სამხრეთ კავკასიას საკითხებში ევროკავშირის სპეციალური წარმომადგენელის, ჰერბერტ ზალბერის განცხადებას დაუფიქრებელ რეპლიკას უწოდებს.
„ამას არ შევაფასებ როგორც განცხადებას, ეს იყო დაუფიქრებელი რეპლიკა, რომელიც მან გააკეთა შეხვედრის დაწყებისას. ეს არის რეპლიკა, რომელიც ჩვენთვის, რა თქმა უნდა, შემაშფოთებელია.
ამის შესახებ ყველა დიპლომატიური არხი იქნა გამოყენებული, რომ ჩვენ გვეცნობებინა ჩვენი ევროპელი პარტნიორების მიმართ. შემიძლია დაგარწმუნოთ, რომ ევროკავშირის ყველა რელევანტურმა სტრუქტურამ იცის ჩვენი პოზიცია და კარგად ესმით ჩვენი შეშფოთების შესახებ“,- განაცხადა ელჩმა.
საბანაძის თქმით, მომხდარი ფაქტით ევროკავშირიც შეშფოთებულია.
„თავის რეპლიკას ზალბერი თბილისში ჩამოსვლისას ახსნის, ალბათ.
ევროკავშირიც, რა თქმა უნდა, შეშფოთებული იმით, რომ ასეთი ეპიზოდი გაჩნდა ჩვენ ურთიერთობაში და ცდილობს მაქსიმალურად, როგოც ჩვენ, რომ ეს ზიანი მინიმუმადე დავიყვანოთ.
ევროკავშირი მხარს უჭერს საქართველოს ტერიტორიულ მთლიანობას და ამის გარშემო არანაირი კითხვა არ არის“,- განაცხადა საბანაძემ.
ევროკავშირის წარმომადგენელმა ჰერბერტ ზალბერმა ანატოლი ბიბილოვს ე.წ. სამხრეთ ოსეთის “საპრეზიდენტო არჩევნებში” გამარჯვება მიულოცა.