გონიოში მშენებარე კორპუსის რკინის კონსტრუქციის ჩამოშლის შედეგად დაშავებული პირი კლინიკაში გარდაიცვალა.
დაშავებული ბათუმში, კლინიკა „ბიემსიში“ იყო გადაყვანილი და სიცოცხლისთვის შეუთავსებელი დაზიანებები აღენიშნებოდა.
ცნობისთვის, გონიოში მშენებარე კორპუსის რკინის კონსტრუქცია 17 ივლისს ჩამოიშალა, რის შედეგადაც ერთი ადამიანი დაშავდა. როგორც შინაგან საქმეთა სამინისტროში აცხადებენ, გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
კომენტარები