ხელვაჩაურის მუნიციპალიტეტში ძლიერი წვიმის შედეგად დაზიანებული გზა მძიმე ტექნიკით იწმინდება.
სათავე ნაგებობებზე შექმნილი პრობლემის გამო სასმელი წყალი ახალშენის, აჭარისწყლისა და თხილნარის თემებში შემავალი სოფლების ნაწილს არ მიეწოდება.
შეფერხებაა ელექტრომომარაგების კუთხითაც. ელექტროენერგიის გარეშეა სოფელ ერგეში 9 აბონენტი. აღდგენითი სამუშაოს დასრულებას უახლოეს საათებში ვარაუდობენ.
უხვმა ნალექმა ხელვაჩაურის მუნიციპალიტეტში დატბორა როგორც ცენტრალური, ასევე შიდა საუბნო გზები. საცხოვრებელ სახლებთან განვითარებული მეწყრული პროცესების გამო, უსაფრთხოების მიზნით ტერიტორიიდან დროებით 15 ოჯახი გაიყვანეს.
კომენტარები