არავინ დგას კანონზე მაღლა, – ამის შესახებ საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ სოფო კილაძემ ჟურნალისტებს განუცხადა, რითაც გენერალური აუდიტორის, ლაშა თორდიას მონაწილეობით სოციალურ ქსელში გავრცელებულ ვიდეოსთან დაკავშირებით დასმულ კითხვას უპასუხა.
”არ ვიცი რა ჩანაწერებზეა საუბარი. თუ რაიმე დანაშაულზეა საუბარი, რა თქმა უნდა, გამოძიებული უნდა იყოს, რადგან მთავარი და პრინციპულია ჩვენს ქვეყანაში, რომ არავინ დგას კანონზე მაღლა. არც ერთი ადამიანი, ვინც არ უნდა იყოს, სოფო კილაძე იქნება, თუ ნებისმიერი სხვა ადამიანი, კანონის წინაშე ყველა თანასწორი უნდა იყოს. არც თანამდებობა, არანაირი საკითხი არავის აძლევს უფლებას, რომ კანონზე მაღლა დადგეს. ყველა არის თანასწორი”, – განაცხადა სოფო კილაძემ.
კომენტარები