საპარლამენტო უმრავლესობის ლიდერი არჩილ თალაკვაძე პოლიტიკური პარტიების სახელმწიფო ბიუჯეტიდან დაფინასებისა და პრეზიდენტის არჩევის წესზე საუბრობს.
“საქართველოში ერთხელ და სამუდამოდ, ძლიერი პოლიტიკური სისტემა უნდა ჩამოყალიბდეს, ყველას ეცოდინება 4 თუ 5 პოლიტიკური პარტია, რომლებიც ერთმანეთისგან იდეოლოგიით განსხვავდება.
“ერთიანი ნაციონალური მოძრაობის” მხარდამჭერებმა თუ იცით “ნაციონალური მოძრაობა” ბოლო არჩევნებში მონაწილეობას არა ერთი პარტიით, არამედ როგორც ბლოკი ღებულობდა, იცოდით ეს ამბავი? ეს არავინ არ იცოდა. ერთი ადამიანის მიერ დარეგისტრირებულ პარტიას, რომელსაც მილიონ ორასი ათას ლარიანი დაფინანსება აქვს და არჩევნებიდან არჩევნებამდე სხვადასხვა ბლოკს უერთდება, ბიუჯეტიდან თანხას იღებს. თქვენ გინდათ, რომ ასე გაგრძელდეს? პოლიტიკურ პარტიებს არავინ უშლის, რომ კოალიცია შექმნან და კოალიციურად განახორციელონ თუნდა პარლამენტში თავისი გადაწყვეტილებების მიღება. საპრეზიდენტო არჩევნებმა ძალიან დიდი ვნებათაღელვა გამოიწვია. გვსურს თუ არა პრეზიდენტი იყოს არჩეული? კითხვაზე პასუხს ყოველთვის მივიღებთ დიახ. ჩვენ უნდა ვიცოდეთ ამ შეკითხვის უკან რა დგას. დღეს ევროპაში ალბათ ერთი ქვეყანა მოიძებნება, სადაც საპარლამენტო მმართველობის მოდელია და პრეზიდენტს პირდაპირ ირჩევენ. რატომ მივიდნენ ის ევროპელი დემოკრატები დასკვნამდე, რომ პრეზიდენტი პირდაპირ აღარ აირჩევა. დღეს პრეზიდენტს ძალიან შეზღუდული უფლებამოსილებები აქვს, პრაქტიკულად, წარმომადგენლობითი ორგანოა, ვიდრე განმხორციელებელი”, – აცხადებს თალაკვაძე.