ოკუპირებულ აფხაზეთში გაგრის რაიონში ავტოავარიის შედეგად 22 რუსეთის მოქალაქე დაშავდა, მათ შორის, 4 ბავშვი, რომლებიც დაზიანებებით და მოტეხილობებით საავადმყოფოში გადაიყვანეს.
ამის შესახებ ოკუპირებული აფხაზეთის თვითგამოცხადებული რესპუბლიკის ე.წ. შსს-ს საავტომობილო ინსპექციის უფროსი, დამეი ავიძბა იტყობინება.
“გაგრის რაიონში ავტოსაგზაო შემთხვევის შემდეგ 22 ტურისტი გაგრის რაიონულ საავადმყოფოში გადაიყვანეს. ოთხ მათგანს, მათ შორის ბავშვებს, რომლებიც დაახლოებით 10 წლისა არიან, მოტეხილობები და დაზიანებები ჰქონდათ და ჰოსპიტალიზაცია დასჭირდათ, დანარჩენები სახლში გაუშვეს. არც ერთი დაშავებულის სიცოცხლეს არაფერი არ ემუქრება”. – თქვა ავიძბამ.
ავიძბას თანახმად, გაგრის რაიონში მცხოვრები 55 წლის მძღოლი შემთხვევით მიკროავტობუსს შეეჯახა, რომელშიც ტურისტები ისხდნენ. მისივე თქმით, ორივე მძღოლი ფხიზელი იყო.