ჭიათურის მერობის კანდიდატმა, ახალგაზრდების საჭიროებები მოისმინა და მათ საკუთარი პრიორიტეტებიც გააცნო. გივი მოდებაძემ აღნიშნავს, რომ ის მოქმედი მერია და ამ კუთხით არსებულ გამოწვევებს კარგად იცნობს.
„არის სხვადასხვა მიმართულება, რომელიც ახალგაზრდების მომავალზე უნდა იყოს ორიენტირებული. თუნდაც ის ახალი სტადიონები, ახალი საცურაო აუზი, ასევე მინი სტადიონები, რომელიც ყველა უბანში უნდა გაკეთდეს“, – აღნიშნა გივი მოდებაძემ.
მისი თქმით, განსაკუთრებული ყურადღება ექცევა კულტურის სფეროს.
„ჩვენ გვაქვს 360 ბავშვზე გათვლილი სამხატვრო სკოლა, რომელსაც სრული რეაბილიტაცია ჩაუტარდა. ასევე გვაქვს თოჯინების თეატრი, გვაქვს კულტურის ცენტრი, რომელიც თავიდან ბოლომდე რეაბილიტირდა და ინფრასტრუქტურა განახლდა“, – განაცხადა გივი მოდებაძემ.
კომენტარები