ახალციხის მერობის კანდიდატი მოსახლეობასთან შეხვედრებს განაგრძობს. ვარლამ წიკლაური, სოფლების – ანდრიაწმინდის, ანდისა და წყორძის მცხოვრებლებს შეხვდა. იმსჯელა სამომავლო გეგმებზე და დაჰპირდა, რომ მომავალი ოთხი წლის განმავლობაში, გადაწყვეტილების მიღების პროცესში მოსახლეობის აზრის გათვალისწინება მთავარი ამოცანა იქნება. ისაუბრეს სოფლებში არსებულ საჭიროებებზე.
აქცენტი გაკეთდა, იმ პროექტებზეც, რომლებიც ბოლო რამდენიმე წლის განმავლობაში განხორციელდა – მოწესრიგდა გზები, მოეწყო რეკრეაციული ზონები, გაიხსნა ამბულატორიები, აშენდა ახალი საბავშვო ბაღები და სკოლები. გაუმჯობესდა ჯანდაცვისა და სოციალური პროგრამები.
„ძალიან საინტერესო შეხვედრები შედგა. ვისაუბრეთ იმ გამოწვევებზე, რომლებიც ამ სოფლებში აქვთ და ვისაუბრეთ ასევე სამომავლო გეგმებზე და იმ პროექტებზე, რომლის განხორციელებასაც მომდევნო ოთხი წლის განმავლობაში ვგეგმავთ“, – განაცხადა ვარლამ წიკლაურმა.