“სტრასბურგში წარსადგენ კანდიდატებზე შეცდომის დაშვება გამორიცხულია”

ამის შესახებ ჩუგოშვილმა ჟურნალისტებთან დღეს განაცხადა.
“ეს დაახლოებით წინა კომისიის მსგავსია, თუმცა გარკვეული განსხვავებული შემადგენლობით. ჩვენი ამოცანა არის ის, რომ იყოს წარდგენილი იმდაგვარი სია, რომელიც არანაირ კითხვას არ გააჩენს და არ გამოიწვევს იმ შეცდომის გამეორებას, რომელსაც ადგილი ჰქონდა წინა წარდგენის დროს”, – განაცხადა ჩუგოშვილმა.
ადამიანის უფლებათა ევროპული სასამართლოს მოსამართლეობის მსურველთა შერჩევის მიზნით, კანდიდატებთან გასაუბრება დღეს გაიმართა.
სპეციალური კომისია იმ კანდიდატებს გაესაუბრა, რომლებმაც წარმატებით გაიარეს შერჩევის 2 ეტაპი.
ერთ–ერთი კანდიდატი გიორგი პაპუაშვილი კონკურსს საკუთარი ნებით გამოეთიშა.
კანდიდატების შესარჩევად სპეციალური სამთავრობო კომისიის შემადგენლობაში არიან კომისიის თავმჯდომარე, საქართველოს იუსტიციის მინისტრი თეა წულუკიანი, საგარეო საქმეთა მინისტრის პირველი მოადგილე დავით ზალკალიანი, საქართველოს მთავრობის საპარლამენტო მდივანი შალვა თადუმაძე და მთავარი პროკურორის პირველი მოადგილე მამუკა ვასაძე, უზენაესი სასამართლოს თავმჯდომარის მოადგილე მზია თოდუა, სააპელაციო სასამართლოს მოსამართლე მერაბ გაბინაშვილი, ქუთაისის სააპელაციო სასამართლოს მოსამართლე დიმიტრი გვრიტიშვილი, პარლამენტის წევრი სოფიო კილაძე, სახალხო დამცველი უჩა ნანუაშვილი, ადვოკატთა ასოციაციის წარმომადგენელი ზაზა ხატიაშვილი, საქართველოს იურიდიული ფირმების ასოციაციის თავმჯდომარე ზვიად კორძაძე, საიას თავმჯდომარე ანა ნაცვლიშვილი და თსუ-ს იურიდიული ფაკულტეტის დეკანი ირაკლი ბურდული.