“რუსეთის ხელისუფლება ცდილობს, ქართველების თავისუფლებისკენ სწრაფვა შეაჩეროს”

“თქვენმა ჩამობრძანებამ კიდევ განგვიმტკიცა რწმენა, რომ საქართველო ნამდვილად გახდება ნატოს წევრი. დამოუკიდებლობის აღდგენის დღიდან საქართველოს უთანასწორო ბრძოლა უწევს სუვერენიტეტისა და ტერიტორიული მთლიანობის დასაცავად . საქართველოს საქმეებში უხეში ჩარევით, ტერიტორიის ანექსიით, სამხედრო აგრეესიით და ტერიტორიების მცოცავი ანექსიით რუსეთის პოლიტიკური ლიდერები ცდილობენ შეაჩერონ ქართველი ხალხის სწრაფვა თავისუფლებისაკენ. მთელი მსოფლიო ხედავს, რომ ჯერ კიდევ 90-იან წლებში აპრობირებული მეთოდებით დღეს მოსკოვი ცდილობს ადამიანები და ხალხები დააშინო, გათიშოს და იბატონოს ყველგან – აფხაზეთსა და ცხინვალის რეგიონში, ყირიმში. ამის საპასუხოდ ქართველმა ხალხმა დემოკრატიის გზა აირჩია.
26-29 მაისს საქართველოში ნატოს საპარლამენტო ასამბლეის ფორუმი იმართება.