საქართველოს პარლამენტის ვიცე-სპიკერი ირმა ინაშვილი უკრაინის მხარეს მოუწოდებს, ყოფილი თანამდებობის პირები, მათ შორის, ყოფილი პრეზიდენტი მიხეილ სააკაშვილი საქართველოს გადმოსცეს.
ირმა ინაშვილი აღნიშნულ საკითხზე საუბარს უკრაინის უმაღლესი რადას თავმჯდომარე ანდრიი პარუბისთან შეხვედრაზე გეგმავს, რომელიც საქართველოს საკანონმდებლო ორგანოში მიმდინარეობს.
ინაშვილის თქმით, უკრაინა საქართველოს მნიშვნელოვანი პარტნიორი ქვეყანაა და კარგი იქნება, თუკი ჩვენი მეგობარი ქვეყანა საქართველოსთან დამნაშავეების გადმოცემის თვალსაზრისით აქტიურად ითანამშრომლებს
” პირველ რიგში, მიხეილ სააკაშვილს ვგულისხმობ, რომელიც უკრაინის სახელმწიფოს შეფარებულია. სააკაშვილს საქართველოში ოთხი ბრალი აქვს წაყენებული. საქართველოს მთავარმა პროკურატურამ სააკაშვილის გადმოცემის თაობაზე უკრაინის შესაბამისს ორგანოებს რამდენჯერმე მიმართა. დიდი იმედი მაქვს, უკრაინა სააკაშვილს საქართველოს გადმოსცემს და მას ქართული მართლმსაჯულება გაასამართლებს”, – განაცხადა ინაშვილმა.
რადას თავმჯდომარეს, ანდრიი პარუბის ირმა ინაშვილის გარდა, ქართველი კოლეგა ირაკლი კობახიძე და ვიცე-სპიკერი სერგი კაპანაძე შეხვდებიან.