„თავისუფალი დემოკრატების“ ერთ-ერთი ლიდერი ნინო გოგუაძე აცხადებს, რომ პარტიის ყოფილი ლიდერი ირაკლი ალასანია ქართულ პოლიტიკაში აუცილებლად დაბრუნდება, თუმცა ეს უახლოესი 2-3 წლის განმავლობაში არ მოხდება.
როგორც გოგუაძემ „აიპრესთან“ საუბრისას განმარტა, ირაკლი ალასანია პოლიტიკაში მაშინ დაბრუნდება, როდესაც ეს ძალიან მნიშვნელოვანი იქნება.
„რა თქმა უნდა, ირაკლი ალასანია სამომავლოდ, პოლიტიკაში ჩაერთვება. გახსოვთ, რომ მან თქვა, რომ პოლიტიკიდან გადის დროებით. დარწმუნებული ვარ, რომ ის მაშინ ჩაერთვება პოლიტიკაში, როდესაც ეს ძალიან მნიშვნელოვანი იქნება. მისი დაბრუნება იქნება ძალიან მნიშვნელოვანი და ის აუცილებლად დაბრუნდება ქართულ პოლიტიკაში. თუმცა, ამ ეტაპზე და უახლოესი 2-3 წლის განმავლობაში ის არ გეგმავს დაბრუნებას“, – უთხრა ნინო გოგუაძემ „აიპრესს“.
www.ipress.ge