მმართველი გუნდის წევრები პრეზიდენტის ადმინისტრაცის უფროსის იურიდიული განათლებით მას შემდეგ დაინტერესდნენ, რაც გიორგი აბაშიშვილმა დღეს კონსტიტუციის პროექტთან დაკავშირებით მორიგი კომენტარი გააკეთა.
„ვთხოვდი აბაშიშვილს, დააკონკრეტოს, რომელი ნორმა არ მოსწონს. არ ვიცი, ზოგადადიურისტია აბაშიშვილი თუ პოლიტიკურ განცხადებებს აკეთებს ნებისმიერ საკითხზე“, – განაცხადა მმართველი გუნდის წევრმა ანრი ოხანაშვილმა.
მმართველი გუნდის კიდევ ერთი წევრი, დავით მათიკაშვილი ამბობს, რომ პრეზიდენტის ადმინისტრაცია დღეს ოპოზიციაშია.
„პრეზიდენტი საკონსტიტუციო ცვლილებებთან დაკავშირებულ პროცესს ოპოზიციაშიჩაუდგა, იმის ნაცვლად, რომ მონაწილეობა მიეღო ამ პროცესებში. მან აირჩია გზა, რომელიცარაპროდუქტიული იყო და ეს კარგად გამოჩნდა“, – აცხადებს „ქართული ოცნების” წევრი, პაარლამენტარი დავით მათიკაშვილი.
პრეზიდენტის ადმინისტრაციის ხელმძღვანელმა გიორგი აბაშიშვილმა დღეს განაცხადა, რომ საკონსტიტუციო ცვლილებები არ მოსწონს არავის, მმართველი გუნდის გარდა.
„ჩვენ ვიღებთ დოკუმენტს, რომელიც თითოეულ ადამიანს შეეხება და მას მხოლოდ ერთიპარტია ეთანხმება. ასეთ პირობებში ასეთი ტიპის დოკუმენტს ძნელია უწოდოკონსტიტუცია. ის ძალიან შორს იქნება ლეგიტიმაციისგან. მნიშვნელოვანია, გამოიკვეთოსსაკითხები, სადაც შეიძლება კონსენსუსი შედგეს“, – განაცხადა გიორგი აბაშიშვილმა.