მოხარული ვარ, რომ მომეცა შესაძლებლობა უსაფუძვლო ბრალდებას ვუპასუხო. მე პანკისის ხეობაში მხოლოდ ერთხელ ვარ ნამყოფი, პრეზიდენტ მარგველაშვილთან ერთად. ქალაქში სულ ნახევარი საათით ვიმყოფებოდით, ეს რამდენიმე წლის წინ იყო. მე საქმიანობის სრული გამჭვირვალობის მჯერა, ვფიქრობ, მთავრობაც ასე უნდა მოქმედებდეს. ყველაფერი რასაც ვაკეთებ საჯაროა და შუქდება”, – ამის შესახებ აშშ-ის ელჩმა საქართველოში იან კელიმ პოლკოვნიკ ტრისტან წითელაშვილის მიერ გამოთქმულ მოსაზრებასთან დაკავშირებით განაცხადა.
კელის განცხადებით, ის მხარს უჭერს საქართველოში მიმდინარე რეფორმების პროცესს, ევროატლანტიკურ სტრუქტურებში ინტეგრაციის გზაზე ქვეყნის მისწრაფებებსა და მის განვითარებას. რაც შეეხება შეერთებულ შტატებს, იან კელის თქმით, აშშ-ს მთავრობა მსოფლიო მასშტაბითაა ჩართული ტერორიზმისა და ექსტრემიზმის წინააღმდეგ ბრძოლაში.