პრეზიდენტის ადმინისტრაციის ხელმძღვანელის გიორგი აბაშიშვილის განცხადებით, საკონსტიტუციო ცვლილებებთან დაკავშირებით, პროცესი გრძელდება და იგი იმედოვნებს, რომ შემდეგი კვირეები გამოყენებული იქნება სწორედ კონსენსუსის მისაღწევად.
”დღევანდელი რეალობა საკონსტიტუციო ცვლილებების პროექტთან დაკავშირებით არის შემდეგი, რომ არასამთავრობო ორგანიზაციები, სახალხო დამცველი, პოლიტიკური პარტიები, პრაქტიკულად ყველა ჯგუფი გარდა ხელისუფლებისა, ძალიან ბევრ პრინციპულ საკითხზე თანხმდება და პრაქტიკულად აქვს ერთიანი პოზიცია. სამწუხაროდ, ხელისუფლება ჯერ კიდევ არ აპირებს კონსენსუსით გადაწყვეტილების მიღებას. ხელისუფლებამ შემოგვთავაზა კონსტიტუციური პროექტი, რომელიც არის ნულოვანი კონსენსუსით მიღწეული, მაგრამ ჯერ კიდევ არის რესურსი კონსენსუსის მიღწევის, რადგან ახლა ხელისუფლებას აქვს ერთ-ერთი მთავარი ტესტი – დემოკრატიის ჩასაბარებელი”, – განაცხადა გიორგი აბაშიშვილმა.