„ჰამასმა“ ისრაელს კიდევ ერთი მძევლის ცხედარი გადასცა. ინფორმაციას ამის შესახებ ისრაელის მედია ავრცელებს.
მედიის ცნობით, ამჟამად ცხედრები თელ ავივში, სასამართლო ექსპერტიზის ინსტიტუტში იდენტიფიკაციისთვის გადაჰყავთ. „ჰამასმა“ გადაცემული გარდაცვლილი მძევლების ვინაობა არ გაამჟღავნა.
როგორც ისრაელის თავდაცვის ძალებში აცხადებენ, თუ დადასტურდება, რომ ეს ნამდვილად მძევლის ცხედარია, „ჰამასს“ 18 დაღუპული მძევალი დარჩება გადასაცემი.
ისრაელის პრემიერ-მინისტრის, ბენიამინ ნეთანიაჰუს ოფისის ცნობით, ისრაელი ერთგულია „ჰამასთან“ ცეცხლის შეწყვეტის შეთანხმების და აგრძელებს გეგმის საკუთარი მხარის დაცვას.
„ჰამასმა“ პირველ ეტაპზე ყველა მძევალი უნდა გაათავისუფლოს. მან ეს არ გააკეთა. „ჰამასმა“ იცის, სად არიან ჩვენი მძევლების ცხედრები. ამ შეთანხმების თანახმად, „ჰამასი“ უნდა განიარაღდეს. არანაირი „თუ“ და არანაირი „მაგრამ“. მათ ეს არ გააკეთეს. ჰამასმა 20-პუნქტიანი გეგმა უნდა დაიცვას. მათი დრო იწურება“, – ნათქვამია განცხადებაში.
ცეცხლის შეწყვეტის შეთანხმების ფარგლებში ცოცხალი მძევლების გათავისუფლების შემდეგ „ჰამასს“ ისრაელისთვის 28 მძევლის ცხედარი უნდა გადაეცა.