აზერბაიჯანის პრეზიდენტის ადმინისტრაციის ყოფილ უფროსს, რამიზ მეჰდიევს ქვეყნის უშიშროების საბჭოს წევრობა შეუწყიტეს.
ადგილობრივი მედიის ცნობით, შესაბამის ბრძანებას ხელი პრეზიდენტმა ილჰამ ალიევმა მოაწერა.
როგორც მედია წერს, რამიზ მეჰდიევს ბრალი აქვს წაყენებული ხელისუფლების ხელში ჩაგდების, სახელმწიფო ღალატისა და დანაშაულებრივი გზით მოპოვებული ქონების ლეგალიზაციის მიზნით ჩადენილ ქმედებებში. სისხლის სამართლის გამოძიების ფარგლებში მას 4-თვიანი შინაპატიმრობა შეეფარდა.
რამიზ მეჰდიევი პრეზიდენტის ადმინისტრაციის ხელმძღვანელის თანამდებობას 1995-2019 წლებში იკავებდა. მეჰდიევი 2019 წელს თანამდებობიდან ალიევმა გაათავისუფლა.
კომენტარები