კარგია, რომ „ტომაჰავკებთან“ დაკავშირებით პრეზიდენტმა ტრამპმა არ თქვა „არა“, მაგრამ მას არ უთქვამს „დიახ“, – ამის შესახებ უკრაინის პრეზიდენტი ვოლოდიმირ ზელენსკი „ენბისი ნიუსთან“ ინტერვიუში აცხადებს, რომლის ნაწყვეტიც არხმა გამოაქვეყნა.
ზელენსკის თქმით, იმედი აქვს, რომ რაკეტებთან დაკავშირებით დიალოგი გაგრძელდება.
უკრაინის ლიდერმა აღნიშნა, რომ „ტომაჰავკის“ რაკეტებით შეიარაღებული უკრაინული ჯარი ვლადიმერ პუტინისთვის რეალურ საფრთხეს წარმოადგენს.
„ვფიქრობ, პუტინს ეშინია, რომ შეერთებული შტატები „ტომაჰავკებს“ მოგვაწვდის და ვფიქრობ, მას ნამდვილად ეშინია, რომ მათ გამოვიყენებთ“, – განაცხადა ვოლიდიმირ ზელენსკიმ.
ვოლოდიმირ ზელენსკის სრული ინტერვიუ 18 ოქტომბერს გამოქვეყნდება.
კომენტარები