„როინ შავაძე სპეც რაზმმა მოიტაცა და შემდეგ დაააგდეს ნაწამები” , -ამის შესახებ იურისტმა სოფო ხორგუანმა „tvპირველის” პირდაპირ ეთერში საუბრისას განაცხადა. ხორგუანმა „ნაციონალური მოძრაობის” წარმომადგენლებს აზერბაიჯანელი ჟურნალისტის „გატაცების საქმეზე” საუბრისას გატაცებული თანამოქალაქეები შეახსენა და მათი ლიდერების პასუხისმგებლობის საკითხი კიდევ ერთხელ დააყენა.
„აზერბაიჯანელი ჟურნალისტის საქმეზე გამოძიება მიდის და ეს ჯერ არ დასრულებულა, ამიტომ წინასწარ როგორ აკეთებენ განცხადებებს, მე ძალიან მიკვირს, მით უმეტეს იმ პარტიის წარმომადგენლები, რომელთა ლიდერებსაც არაერთი თანამემამულე ჰყავთ გატაცებული. მე მახსოვს დავით ცინდელიანი და პაატა ქარდავა, რომლებიც გაიტაცეს დღისით, მზისით, ასევე მახსოვს როინ შავაძე, რომელიც სპეცრაზმმა აჭარაში მოიტაცა და შემდეგ დააგდეს ნაწამები და მოკლული ადამიანი. დღევანდელი დღე იწყება გუშინდელით.
მე მივმართავ „ნაციონალურ მოძრაობას”: ვანო მერაბიშვილი არის პოლიტპატიმარი, ან მეგის ქარდავა პოლიტიკურად დევნილი? სანამ ადამიანები ვინც ხალხს აწამებდნენ, კლავდნენ და ქუჩაში აგდებდნენ, პასუხს არ აგებენ, მანამდე სამართალზე არ უნდა ისაუბროთ თქვენ” , -განაცხადა სოფო ხორგუანმა.