,,ნაციონალური მოძრაობა” თბილისის მერობის კანდიდატს უახლოეს პერიდოში დაასახელებს. ამის შესახებ განცხადება, პარტიის ერთ-ერთმა ლიდერმა ხატია დეკანოიძემ, „პირველ რადიოსთან“ საუბრისას გააკეთა.
დეკანოიძის თქმით, კანდიდატთან დაკავშირებით კონსულტაციები პარტიის შიგნით ამ დრომდე მიმდინარეობს.
ხატია დეკანოიძე არ ადასტურებს ინფორმაციას იმის შესახებ, რომ თბილისის მერის თანამდებობაზე ენმ თბილისის მერის კანდიდატად თვითმმართველობის არჩევნებზე მას დაასახელებს.
“ეს ინფორმაცია არ შეესაბამება სინამდვილეს. პარტიის შიგნით მიმდინარეობს კონსულტაციები. თქვენ იცით, რომ ჩვენ ძალიან მყარი პარტია ვართ, გვაქვს სტრუქტურული ორგანიზაციები, ძალიან ბევრი აქტივისტი, ბევრი მხარდამჭერი და მნიშვნელოვანია, რომ ყველა ადამიანთან და თითოეულ ადამიანთან, რომელსაც წარმოუდგენია პარტიის მომავალი, გავიაროთ კონსულტაციები. ამიტომ უახლოეს ხანებში წარმოგიდგენთ თბილისის მერობის კანდიდატს. მე არ ვიქნები თბილისის მერობის კანდიდატი. როგორც უკვე გითხარით მიმდინარეობს კონსულტაციები პარტიის შიგნით,“-განაცხადა ხატია დეკანოიძემ.