აზერბაიჯანელი ჟურნალისტის აფგან მუხტარლის საქმეზე, შსს გამოძიებას ინტენსიურ რეჟიმში აწარმოებს – გამოთხოვილია ვიდეოჩანაწერები, დაკითხული არიან მოწმეები, – ამის შესახებ საპარლამენტო უმრავლესობის ლიდერმა არჩილ თალაკვაძემ განაცხადა.
„აფგან მუხთარლის საქმეზე გამოძიება მიდის ნორმალური ტემპებით და გამჭვირვალედ, საზოგადოება ინფორმირებულია. გამოძიების დეტალებზე სრულ ინფორმაციას საზოგადობას აწვდის შსს. ამ ეტაპზე, ინფორმაცია, რომელიც ჩვენ გვაქვს, არის ის, რომ საგამოძიებო მოქმედებები მიმდინარეობს ინტენსიურ რეჟიმში. გამოთხოვილია ვიდეოჩანაწერები, ამოღებულია მასალები, ასევე, ხდება ტელეანძების მონაცემების დამუშავება, დაკითხულია ათეულობით მოწმე და იგეგმება თავად ბატონი მუხტარლის დაკითხვაც აზერბაიჯანის სასჯელაღრულების სამინისტროში. ვფიქრობ, გამოძიება მიდის ნორმალური ტემპებით“, – აცხადებს არჩილ თალაკვაძე.