პარლამენტის ხელმძღვანელობას ვენეციის კომისიისგან საკონსტიტუციო ცვლილებებთან დაკავშირებით წინასწარი დასკვნა გადმოეგზავნა. პარლამენტის თავმჯდომარე ირაკლი კობახიძე ჟურნალისტებთან საუბარში აცხადებს, რომ წინასწარი დოკუმენტის მიხედვით, ვენეციის კომისიის მხრიდან გამოთქმული რეკომენდაციები მმართველი გუნდის მიდგომებს შეესაბამება.
ირაკლი კობახიძე დეტალებზე საუბრისას თავს იკავებს, თუმცა, მხოლოდ ის აღნიშნა, რომ ე.წ. ბონუსის სისტემა შეიძლება მკაფიოდ განსაზღვრული გახდეს, მასთან დაკავშირებით ზედა ზღვრები დაწესდეს, რა მიდგომაც მმართველ გუნდს გააჩნია.
“საკონსტიტუციო ცვლილებებთან დაკავშირებით ჩვენ გვაქვს ვენეციის კომისიის მხრიდან გამოგზავნილი წინასწარი დოკუმენტი. არის მზადყოფნა გაეგზავნოს დოკუმენტი სხვა სუბუეტებს. ჩვენ, ჩვენს კომენტარებს ვუგზავნით ვენეციის კომისიას წინასწარ დოკუმენტთან დაკავშირებით, იმისათვის რომ საბოლოოდ დაზუსტდეს – იქ არის გარკვეული ტექნიკური ტიპის ხარვეზები. ეს არის ორი-სამი დღის საქმე. ამის შემდეგ ხელმისაწვდომი გახდება ოპოზიციური სუბიექტებისათვის. გამოთქმული რეკომენდაციები ჩვენს მიდგომას შეესაბამება, მათ შორის “ბონუსის“ ნაწილში. დეტალებზე ჯერ-ჯერობით ვერ ვისაუბრებ“, – განაცხადა ირაკლი კობახიძემ.