აჭარის მთავრობის თავმჯდომარე სულხან თამაზაშვილი, სოფლის მეურნეობის მინისტრთან, დენის სალუქვაძესთან ერთად, მეციტრუსე ფერმერებს შეხვდა.
“მეციტრუსე ფერმერებს შევხვდი და ციტრუსის სეზონის მიმდინარეობასთან დაკავშირებული საორგანიზაციო საკითხები განვიხილეთ. ასევე, საექსპორტო ბაზრებზე მაღალი ხარისხის, კონკურენტუნარიანი პროდუქციის მიწოდების გზებზე ვიმსჯელეთ.
რეგიონში ყველა რესურსი მობილიზებულია, რათა ციტრუსის რეალიზაციის პროცესი შეუფერხებლად წარიმართოს და აგრარული სექტორი იყოს მაქსიმალურად მომგებიანი თითოეული ფერმერისთვის.
ციტრუსის ხარისხისა და მოსავლიანობის გათვალისწინებით, 2025 წელი ფერმერებისთვის გამორჩეულად წარმატებული იქნება. მიმდინარე წელს მოსალოდნელია 60 ათას ტონაზე მეტი მოსავალი, რაც წინა წლის მაჩვენებელს 30%-ით აღემატება”, – ამბობს სულხან თამაზაშვილი.