ტელევიზიის მფლობელს, ბატონ მიხეილს აქვს თავისი ინტერესები „რუსთავი 2“-ის მიმართ და, რა თქმა უნდა, ეს დაკავშირებული იქნება იმ ცვლილებებთან, რომელიც მენეჯმენტში ხორციელდება, – ამის შესახებ პარლამენტის თავმჯდომარემ, ირაკლი კობახიძემ, „რუსთავი 2″-ში მიმდინარე მოვლენებთან დაკავშირებით დასმული კითხვის საპასუხოდ განაცხადა.
,,ჩვენ არანაირი სუბიექტური ინტერესები არ გვაქვს ამ ტელევიზიის მიმართ. რა თქმა უნდა, იქ არის გარკვეული გადაადგილებები, რაც პირდაპირ არის დაკავშირებული პოლიტიკურ ძვრებთან, რომელიც „ნაციონალურ მოძრაობაში“ ხორციელდება. ჩვენ შეგვიძლია ამ პროცესებს დავაკვირდეთ. ჩვენთვის მთავარია, რა თქმა უნდა, ჟურნალისტების უფლებების დაცვა და ასევე მედიაპლურალიზმის ინტერესების დაცვა. ეს არის ჩვენი ამოცანა და ამ კუთხით განვახორციელებთ მონიტორინგს.
ბუნებრივია, ტელევიზიის მფლობელს, ბატონ მიხეილს, აქვს თავისი ინტერესები „რუსთავი 2“-ის მიმართ და, რა თქმა უნდა, ეს დაკავშირებული იქნება იმ ცვლილებებთან, რომელიც მენეჯმენტში ხორციელდება”, – განაცხადა ირაკლი კობახიძემ.
კომენტარები