ირმა ინაშვილი ზურა ჯაფარიძეს ეხმაურება.
“ზ. ჯაფარიძეს ჩვენი პარტიის აშკარად ეშინია. ვინმემ გადასცეს, “პამპერსი” ჩაიცვას. მაგარი კრეატიული აქცია გამოუვა. ტელევიზორში აჩვენებენ”, – წერს ირმა ინაშვილი Facebook-ში.
შეგახსენებთ, ზურაბ ჯაფარიძემ “აიპრესისთვის” მიცემულ ინტერვიუში განაცხადა, პრორუსულ და ფაშისტურ პარტიებთან არ ითანამშრომლებს. ჟურნალისტის კითხვაზე, რომელია ასეთი პარტიები ჯაფარიძემ უპასუხა, რომ მკვეთრად გამოხატული ფაშისტური ხედვები “პატრიოტთა ალიანსს” აქვს.
“ჩემი აზრით, მკვეთრად გამოხატული ფაშისტური ხედვები „პატრიოტთა ალიანსს“ აქვს. ერთხელ ვთქვი და ეწყინათ. ჰგონიათ, რომ გაიგივება არის ჰიტლერთან და მუსოლინთან. ასეთი ხედვების მქონე პარტიები ევროპაშიც არსებობს. ეს იდეოლოგია არ ნიშნავს მაინცდამაინც იმას, რომ კონცლაგერები უნდა მოაწყო, სადაც ადამიანებს დაწვავ. ასეთ პარტიებთან არ გვინდა თანამშრომლობა, რომლებიც არ აღიარებენ ადამიანების თავისუფლების მნიშვნელოვან ღირებულებას”, – განაცხადა ზურაბ ჯაფარიძემ.
www.ipress.ge