ვენეციის კომისია საქართველოს საკონსტიტუციო პროექტზე მსჯელობს. სესიას საქართველოს პარლამენტის თავმჯდომარე, ვიცე-სპიკერთან ერთად ესწრება.
პრეზიდენტის პოზიციას შეხვედრაზე მისი საპარლამენტო მდივანი წარმოადგენს. სესიის დასრულებამდე და საბოლოო დასკვნის გასაჯაროებამდე შეფასებები უკვე კეთდება თბილისში.
მმართველი გუნდი ვენეციის კომისიის რეკომენდაციების გათვალისწინებას და ბონუსების სისტემასთან დაკავშირებით ზედა ზღვარის დაწესებას გეგმავს.
„იმ შემთხვევებში როდესაც საუბარი იყო რომ თეორიულად, ბონუსის სახით გამარჯვებულ გუნდს შესაძლებელია კონსტიტუციური უმრავლესობა მიეღო, ჩვენ ვამბობდით, რომ ეს პრაქტიკულად შეუძლებელი იყო, მაგრამ თუ თეორიულად ვიღაც კონკრეტულ ციფრებს ასახელებდა, ჩვენ ვთქვით, რომ თეორიულადაც ამას გამოვრიცხავდით. მაშინაც საუბარი იყო იმაზე, რომ ჩვენ ვაპირებდით ზედა ზღვარის დაწესებას,“-განმარტა გიორგი კახიანმა.