იურიდიულ საკითხთა საპარლამენტო კომიტეტის თავმჯდომარე ეკა ბესელია, საქართველოს კათოლიკოს პატრიარქის მოსაზრებას კონსტიტუციური მონარქიის აღდგენის თაობაზე გამოეხმაურა:
“დღეს ამ თემაზე საქართველოს კათოლიკოს-პატრიარქის მიერ დისკუსიის გახსნა ვფიქრობ, ძალიან საინტერესო სიგნალია და ღირს ამ საკითხზე ფიქრი. ჩვენ წარსულ პოლიტიკურ გამოცდილებას მონარქიის ძალიან დიდი ისტორია აქვს. დღეს თუ შევხედავთ ისეთ ქვეყნებს, რომელსაც ძლიერი დემოკრატია აქვთ და ამავდროულად აქვთ მონარქის ინსტიტუტიც, როგორია იქ პოლიტიკური ბალანსი, წონასწორობა და როგორი შემაკავებელი ფაქტორის მატარებელია მონარქის ინსტიტუტი – ამ პრიზმაში ამაზე მსჯელობა ბუნებრივია ღირს და საინტერესოა“, – განაცხადა ეკა ბესელიამ საზოგადოებრივთან საუბრისას.
„საქართველო არის უძველესი ქვეყანა, უძველესი კულტურით. იქნებ გვეფიქრა ჩვენ იმაზე, ვინ ვიყავით წარსულში, ვინ ვართ დღეს, ვინ ვიქნებით ხვალ. იქნებ გვეფიქრა იმაზე, რომ საქართველო არის უძველესი მონარქია.
ღვთის წყალობით, მეფე გვმართავდა. დღეს ხშირი შემთხვევაა მსოფლიოში, როცა მონარქი ეწოდება, მეფე მეფობს, მაგრამ არ მართავს. ამას ეწოდება კონსტიტუციური მონარქია და სიმშვიდე შემოაქვს ქვეყანაში.
ეს, რა თქმა უნდა, დღეს და ხვალ ვერ მოხდება, მაგრამ უნდა გავაანალიზოთ წარსული, დღევანდელი დღე და მომავალი”,- ბრძანა პატრიარქმა დღევანდელ საკვირაო ქადაგებაზე.