პარლამენტმა იუსტიციის უმაღლესი საბჭოს ვაკანტურ თანამდებობაზე წარდგენილ კანდიდატებს კენჭი უყარა.
იუსტიციის უმაღლესი საბჭოს წევრის ოთხ ვაკანტურ ადგილზე გამოცხადებულ კონკურსში, 34 კანდიდატიდან დეპუტატებმა ოთხი ახალი წევრი აირჩიეს.
იუსტიციის უმალესი საბჭოს შემადგენლობაში არჩეული არიან: – ირმა გელაშვილი, ლევან გზირიშვილი, ზაზა ხარებავა და ნაზი ჯანეზაშვილი.
ყველაზე მეტი დეპუტატის მხარდაჭერა (108 ხმა) ნაზი ჯანეზაშვილმა მიიღო.
კანდიდატების შესახებ ინფორმაცია პარლამენტის რიგგარეშე სხდომაზე იურიდიულ საკითხთა კომიტეტის თავმჯდომარემ, ეკა ბესელიამ წარადგინა.
კომენტარები