“ათასგვარი ფორმით ვთხოვეთ პრეზიდენტს – ერთი მუხლებზე არ დავმდგარვართ”

საქართველოს პარლამენტის თავმჯდომარე, პრეზიდენტზე კიდევ ერთხელ საუბრობს. 

მისი თქმით, მმართველმა გუნდმა ყველაფერი გააკეთა, რომ პრეზიდენტის საკონსტიტუციო კომისიაში მუშაობის ჩართულობა უზრუნველეყო, მაგრამ ვერ მოახერხა.

როგორც კობახიძემ აღნიშნა, პრეზიდენტისგან ვერ მოისმინეს ვერანაირი არგუმენტი, თუ რატომ არ ერთვებოდა 4 თვის განმავლობაში საკონსტიტუციო კომისიის მუშაობაში.

”აქ ითქვა, რომ ჩვენ ვერ უზრუნველვყავით პრეზიდენტის ჩართულობა საკონსტიტიციო კომისიის მუშაობაში. მეტი რა უნდა გაგვეკეთებინა, არ ვიცი. ათასგვარი ფორმით ვთხოვეთ პრეზიდენტს – ერთი მუხლებზე არ დავმდგარვართ, ყველანაირად ვთხოვეთ, რომ ჩართულიყო კომისიის მუშაობაში. არგუმენტი ვერანაირი ვერ მოვისმინეთ იმასთან დაკავშირებით, თუ რატომ არ ერთვებოდა 4 თვის განმავლობაში კომისიის მუშაობაში. ეს იყო ჩვენი პოზიცია და ამას დაუპირისპირდა პრეზიდენტის აბსოლუტურად არაპრაგმატული და და დესტრუქციული პოზიცია”,– განაცხადა კობახიძემ.