პრეზიდენტი პირდაპირ მიექანება კრიზისის შექმნის მიზნამდე და ამ შემთხევაში რაღაც პოლიტიკური პლატფორმა აქვს დაკავებული, – ამის შესახებ პარლამენტის ვიცე-სპიკერმა გია ვოლსკიმ საქართველოს პრეზიდენტ გიორგი მარგველაშვილის მიერ საკონსტიტუციო ცვლილებებთან დაკავშირებით გაკეთებული განცხადებების შეფასებისას აღნიშნა.
„ვფიქრობ, პრეზიდენტი პირდაპირ მიექანება კრიზისის შექმნის მიზნამდე და ამ შემთხევაში რაღაც პოლიტიკური პლატფორმა აქვს დაკავებული, რომელიც აბსოლუტურად არ არის გათვალისწინებული, არც დღევანდელი კონსტიტუციით და არც პოლიტიკური მორალით, რომელიც ამ შემთხვევაში პრეზიდენტს უნდა ეკისრებოდეს. არის საკითხები, რომელთა დაკავშირებითაც პოზიციების შეჯერება თავიდანვე ნათელი იყო, რომ ვერ მოხდებოდა, თუნდაც მიწის კანონთან დაკავშირებით, ქორწინების თემასთან და არჩევნების სისტემასთან დაკავშირებით, წახვიდე იმაზე, რასაც მოგვიწოდებენ თუ გინდა პრეზიდენტი და „ნაციონალური მოძრაობა“ ერთად, ან თუნდაც მცირე პარტიები – მათ გარშემო სატელიტები, ნიშნავს, რომ ჩვენ საფრთხის ქვეშ დავაყენოთ სახელმწიფო უსაფრთხოება, ანუ ვერ შევქმნათ მთავრობა“, – განაცხადა გია ვოლსკიმ.